講粗口 On Canto Swearing
[嚴重警告：以下文章有好多粗口，唔受得千祈唔好睇。有啲字非正寫，因為display唔到。]
曾幾何時，講粗口係最要不得嘅事。但時至今日，講粗口好似已經係norm，乜九嘢都可以屌一大爛餐，重要越屌得大聲越好。做網台爆粗會有信徒，上街遊行叫口號可以係XXX仆街，連電影都用講粗口嚟做賣點，話反映現實喎。
我以前一句粗口都唔撚識講，仆街已經係粗口。好記得細個嗰陣唔覺意跟梁朝偉做嘅韋小寶講句「你阿爺」已經要俾阿媽掌咀。有套電視劇叫＜馬場大亨＞，黃日華做嘅。有一幕黃日華唔知做乜春講咗句仆街，睇電視送飯嘅我呆撚到當堂筷子都跌撚咗係張枱度。阿媽問我做咩樹，我話黃日華講粗口。阿媽好冷靜咁叫我唔好跟人有樣學樣，然後繼續食飯。中學讀間勁單純淨係識讀書嘅女校就更加唔會識，淨係識講 shit！
話說講粗口都係幾年前先正式學。有個新嚟嘅女同事，個樣斯斯文文又幾靚女，點知一開口就一門五傑。當下嘖嘖稱奇，點解有女仔講粗口可以講得咁流利，重要講得有文有路又唔核突。印象中嗰係女同事唔係乜九都屌，佢只係燥底嗰陣complain其他人或事至會加啲助語詞。
講粗口其實係好撚艱深嘅學問，凈係學識嗰一門五傑都要啲時間，跟住要學 gramma 同 usage，點能樣講，喺邊撚度加乜撚字係最撚恰當都要經過長期訓練先有成果，如果你個人唔 logical，要講得好都好難。以前讀過呢個 website 廣州話粗口研究網，入面用非常學術嘅角度去討論廣東話粗口，講解其實好多粗口字同用法都係源於好多中文古字，可能因為咁，廣東話為母語嘅人思維係靈活啲；又或者咁講，我哋都係真正嘅中華兒女。
當然，聽聽埋埋就算識都唔代表會講。但唔知係唔係香港有越來越多唔公平嘅事，普通咁投訴已無用，因為唔會有人聽到你講嘢，與其係咁，倒不如加啲粗口發洩下，總好過變抑鬱，所以而家越嚟越多人講，而且越講越好。
我預計隨著喺狼政府嘅領導下，香港人好快會變成全球最爛口嘅人。當然，講得好唔好，文法啱唔啱，又係另一回事。可能狼政府同班「西」人（註：呢度唔係解鬼佬）係想曲線振興香港本土文化，如果係咁，國民教育應該有一課叫講粗口的藝術。
(Note: Sorry. Doesn't translate. No English version this time.)
曾幾何時，講粗口係最要不得嘅事。但時至今日，講粗口好似已經係norm，乜九嘢都可以屌一大爛餐，重要越屌得大聲越好。做網台爆粗會有信徒，上街遊行叫口號可以係XXX仆街，連電影都用講粗口嚟做賣點，話反映現實喎。
我以前一句粗口都唔撚識講，仆街已經係粗口。好記得細個嗰陣唔覺意跟梁朝偉做嘅韋小寶講句「你阿爺」已經要俾阿媽掌咀。有套電視劇叫＜馬場大亨＞，黃日華做嘅。有一幕黃日華唔知做乜春講咗句仆街，睇電視送飯嘅我呆撚到當堂筷子都跌撚咗係張枱度。阿媽問我做咩樹，我話黃日華講粗口。阿媽好冷靜咁叫我唔好跟人有樣學樣，然後繼續食飯。中學讀間勁單純淨係識讀書嘅女校就更加唔會識，淨係識講 shit！
話說講粗口都係幾年前先正式學。有個新嚟嘅女同事，個樣斯斯文文又幾靚女，點知一開口就一門五傑。當下嘖嘖稱奇，點解有女仔講粗口可以講得咁流利，重要講得有文有路又唔核突。印象中嗰係女同事唔係乜九都屌，佢只係燥底嗰陣complain其他人或事至會加啲助語詞。
講粗口其實係好撚艱深嘅學問，凈係學識嗰一門五傑都要啲時間，跟住要學 gramma 同 usage，點能樣講，喺邊撚度加乜撚字係最撚恰當都要經過長期訓練先有成果，如果你個人唔 logical，要講得好都好難。以前讀過呢個 website 廣州話粗口研究網，入面用非常學術嘅角度去討論廣東話粗口，講解其實好多粗口字同用法都係源於好多中文古字，可能因為咁，廣東話為母語嘅人思維係靈活啲；又或者咁講，我哋都係真正嘅中華兒女。
當然，聽聽埋埋就算識都唔代表會講。但唔知係唔係香港有越來越多唔公平嘅事，普通咁投訴已無用，因為唔會有人聽到你講嘢，與其係咁，倒不如加啲粗口發洩下，總好過變抑鬱，所以而家越嚟越多人講，而且越講越好。
我預計隨著喺狼政府嘅領導下，香港人好快會變成全球最爛口嘅人。當然，講得好唔好，文法啱唔啱，又係另一回事。可能狼政府同班「西」人（註：呢度唔係解鬼佬）係想曲線振興香港本土文化，如果係咁，國民教育應該有一課叫講粗口的藝術。
(Note: Sorry. Doesn't translate. No English version this time.)